5 ildən sonra Almaniyaya qayıtdı

Nabi Keyta “Liverpul”u tərk edib. O, 5 ildən sonra Almaniyaya qayıdıb.


"Football-plus.az" xəbər verir ki, 28 yaşlı qvineyalı yarımmüdafiəçi azad agent kimi “Verder”lə anlaşıb. Keytanın Bremen klubu ilə razılaşdırdığı müqavilənin müddəti 3 illikdi.

Xatırladaq ki, “Liverpul” onu 2018-ci ildə 52,75 milyon funt sterlinqə “Leyptsiq”dən almışdı. O, İngiltərə klubu ilə İngiltərə çempionluğu və Çempionlar kuboku da daxil olmaqla 6 titul qazanıb. Qırmızı formada 129 matç keçirən Nabi 11 qolun və 7 məhsuldar ötürmənin müəllifi olub.