Misli premyer-liqasında 35-ci tura start verilib.

"Football-plus.az" xəbər verir ki, "Kəpəz" "Neftçi"ni qəbul edib - 1:3. Oyundan sonra meydan sahiblərinin çalışdırıcısı Tərlan Əhmədovun mətbuat konfransı keçirilib. Sizi mütəxəssisin fikirləri ilə tanış edirik:

- Hər yerdə görmüşük ki, komandaya uğur qazandıran məşqçiyə müqavil təklif olunur. Amma "Kəpəz" rəhbərliyindən sizə təklif yoxdu. Bunun səbəbi nədi?
- Bu sualı rəhbərliyə versəz, daha yaxşı olar. Yazırlar ki, guya kimlərəsə yalvarmışam ki, mənə hansısa komandada iş versinlər. Bu günə kimi heç kimə ağız açmamışam. Rəhbərlik istəsə, işimizə davam edəcəyik. "Kəpəz"i sevən insanlar mənə deyirlər ki, buradan getmə. Bu günə qədər heç bir təklim olmayıb. İşim göz qabağındadı. Hazırda son oyunu fikirləşirəm. Müqavilə barədə heç nə deyə bilmərəm.

- Növbəti mövsümdə sizin istədiyiniz şərait yaradılmasa "Kəpəz"də qalacaqsız?
- AZAL-ın büdcəsi 155 min manata endiriləndə işləmişəm. Futbol aləmində bütün çətinlikləri görmüşəm. Az büdcə ilə komanda formalaşdırmaq olar. Qalsam, ən yaxşı nəticəni qarşıma məqsəd qoyacam. Şərait olsa, çalışaram ki, komanda mükafatçılar sırasında olsun.

- Digər klublardan təklif almısız?
- Yox. Heç kim əlaqə saxlamayıb. Mən özüm də heç kimə ağız açmamışam. Bir zəng belə olmayıb.

- Növbəti oyununuz da burda "Qəbələ"yə qarşıdı. Həmin matça kimin burda qalmaq üçün müraciətiniz olub?
- Beş gün burda qalmaq üçün böyük vəsait lazımdı. Ona görə də geri qayıtmağa məcburuq.

- Beş ballıq şkala ilə öz işinizi necə dəyərləndirirsiz?
- Mən heç nə deyə bilmərəm. İşimizə ictimaiyyət qiymət verə bilər. Sadəcə onu deyə bilərım ki, qarşımıza qoyulan məqsədə çatdıq.

- Sizin "Kəpəz"də qalmağınızı istəyənlərə də Gəncədə təzyiqlər var. Bu vəziyyətdə işləməkdən bezməmisiz?
- Bezsəydim, qorxsaydım, bu gün burda olmazdım. Təhdidlər də var. Heç vaxt bunları açıqlayası deyiləm. Həyatım boyu heç vaxt qorxmamışam. Yenə bu hadisələr olsa, işimə davam edəcəm. Əksində bu cür hallar məni motivasiya edir.