"Marxal" ilə doğma meydandakı oyunumuzda hakimin bizə qarşı qərəzi azarkeşlərin kəskin etirazına səbəb oldu. Referilərin işi ədaləti qorumaq və qarşılaşmanı qaydalar çərçivəsində idarə etməkdi. Onların bu qədər qərəzinə tolerant yanaşmaq, susmaq olmur.

Qəzetinizə bu barədə geniş açıqlama vermişəm. Yenidən təkrar etmək istəmirəm. Amma bir əlavəm olacaq. Üzr istəyirəm, küçədən kimisə tapıb matçın idarəetməsi ona tapşırılsa, bu qədər kobud səhvlər olmazdı.

Minlərlə azarkeşin gözü önündə hakim aşkar qərəzli qərarlar verdi, oyunu birtərəfli idarə etdi. Bunun da nəticəsidi ki, azarkeşlər onları fitə basdı, ünvanlarına qeyri-etik ifadələr işlətdi. Amma referilərdən başqa heç kimə qarşı hörmətsizlik olmayıb.

Bərbad idarəçiliklə bağlı AFFA-ya rəsmi şikayətimizi ünvanlamışıq. Cavab gözləyirik".