Qətərin şeyxi Casim bin Həməd Əl-Tani “Mançester Yunayted”i almaqda qərarlıdı. O, bunun üçün sonuncu təklifini göndərib.

"Football-plus.az" xəbər verir ki, Əl-Tani bu dəfə 5 milyard funt sterlinqdən çox dəyərində yekun təklifini edib.

Təklifdə həmçinin klubun infrastrukturuna əhəmiyyətli sərmayələrin qoyulması planı da var. Bununla belə, “Sky Sports”un xəbərində Qleyzerlər ailəsinin Qətərin şeyxinin bu təklifini də geri çevirə biləcəyi vurğulanır.

Baxmayaraq ki, onun təklifi bir klubun idman tarixindəki ən böyük məbləğdə satışını reallaşdıra bilər. Amerikalılar MY üçün təxminən 6 milyard funt sterlinq istəyir.