Mehdi Hüseynzadə adına Sumqayıt şəhər stadionunun əsaslı təmir olunduğundan xəbəriniz var.

“Football-plus.az” xəbər verir ki, arenada yenidənqurma işləri ötən ilin dekabrında başa çatsa da, hələ ki, qapıları bağlıdı. Sumqayıtlılar 10 min azarkeş tutumuna malik, təbii örtüklü stadionun açılacağı günü səbirsizliklə gözləyirlər. Bəs idman qurğusunun açılışı nə vaxta planlaşdırılır? Bu sualın cavabını gözləyənlərin sayı çoxdu.

Sumqayıtlı futbolsevərlərə müjdəmiz var. Etibarlı mənbədən redaksiyamıza daxil olan məlumata görə, Ulu Öndər Heydər Əliyevin 100 illik yubileyinə, daha dəqiq desək, mayın 10-na kimi “Mehdi Hüseynzadə” açılışı gözlənilir. Mərasimdə ölkə başçısı İlham Əliyevin iştirakı da planlaşdırlır. Artıq stadionun əsas girişinin ətarafına yeni güllər əkilir, ərazi təmizlənir.

RƏŞAD