Növbəti mövsüm Azərbaycan futbolunda xeyli dəyişiklik olacaq.

"Football-plus.az" xəbər verir ki, bunlardan biri premyer-liqanı bir komandanın tərk edib, diviziona düşməsidi. Digər məsələ isə aşağı dəstə ilə əvəzedicilərin çempionatının ayrılmasıdı. Birinci diviziona da 4 yeni komanda gətiriləcək. Növbəti dəyişiklik isə Region Liqası ilə bağlıdı.

AFFA növbəti mövsüm bu çempionata yarımpeşəkar status vermək niyyətindədi. Belə ki, artıq turnirin qalibi olan komanda 1-ci diviziona vəsiqə qazanacaq. Bundan əlavə, federasiya iştirakçı komandaların səfər və stadion xərclərini qarşılayacaq. Təbii ki, bütün kollektivlərin qarşısına peşəkarlaşmaq yolunda addımların atılması tələbləri də qoyulacaq. Bunlardan biri rəsmən qeydiyyatdan keçmək və yerli icra orqanları tərəfindən tanınmaqdı. Hətta AFFA növbəti mövsüm üçün iştirakçı sayını 60-a çatdırmaq niyyətindədi.

İLKİN SULTANLI