“Acınacaqlı məqam odu ki, bizdə işbirliyi yoxdu. 1994-dən bəri bu mövzu ilə bağlı bütün çıxışlarımda qeyd etmişəm ki, yığmanın baş məşqçisi yerli olmalıdı. Düzdü, bizim mütəxəssislər gənclərdən ibarətdi. Amma bu o demək deyil ki, onlara inanmamalıyıq. Yerli çalışdırıcıları ilk səhvlərində vəzifəsindən uzaqlaşdırılmalarını da anlamıram. Niyə onlara şans verilmir? Halbuki işlərində peşəkar olmaq yolunda sürətlə irəliləyirlər. De Byazinin vəzifəsində qalıb-qalmayacağı hələ də sual altındadı. AFFA rəsmiləri çox diqqətli təhlillər aparıb bu haqda dəqiq qərar qəbul etməlidi. İtaliyalının qalması bizə xeyirdisə, qalsın, daha çox ziyan verəcəksə, getsin. İtaliyada futbol yüksək inkişaf mərhələsinə çatıb deyə düşünməməliyik ki, onların hamısı təcrübəlidi, bizim üçün əlverişli olacaq. Öncə özümüzdə yetişən mütəxəssislərə müraciət etməliyik. Yenə deyirəm, yerli baş məşqçi daha uyğun olar. Həm futbolçuları tanıyır, onlarla rahat ünsiyyət quracaq, həm də Azərbaycan futbolunun durumuna bələddi. Özümüzə şans verək”.