"Yığmanın son iki oyunu barədə çox danışmağa dəyməz. Komanda ümidləri doğrultmadı. Halbuki ötən il ardıcıl 5 oyunda qeydə alınan qələbələr gələcəyə nikbin baxmağa əsas verirdi. Amma görünən odu ki, komanda Avstriya və İsveçlə görüşlərə hazır deyildi. Bütün bunlar araşdırılacaq. Baş məşqçinin hesabatı dinləniləcək, ətraflı müzakirə aparılacaq. Başda mən olmaqla heç kim məsuliyyətdən qaçmır. Şəxsən mənim nə vəzifədə, nə də başqa bir şeydə gözüm var. Mənim üçün öndə gələn məsələ ölkə futbolunun inkişafı və millimizin daha uğurlu çıxış etməsidi. Mən də daxil, aidiyyatı şəxslərin üzərində hansı məsuliyyət varsa, cavab verəcəyik. Bizi haqlı yerə tənqid edən, qınayan şəxslərə də təşəkkürümüzü bildiririk. Biz həmişə mediaya açığıq və tənqidlərdən də qorxmuruq".

"Yuxarıda dediyim kimi, baş məşqçinin hesabatı dinləniləcək və ondan sonra qərar veriləcək. Hazırda Canni de Byazi İtaliyadadı. Orda dini bayramdı. İtaliyalı mütəxəssis də katolik olduğundan həmin bayramı qeyd edəndən sonra Azərbaycana qayıdacaq".