“Canni de Byazi ilə müqavilənin müdddəti uzadılanda demişdim ki, onu 24 saat ərzində Bakıdan yola salmaq lazımdı. Onda məni heç kim eşitmədi. Yenə o fikirimdə qalıram. İtaliyalı təcili Azərbaycandan getməlidi. Millinin “sükanı arxasında” yerli məşqçi olana qədər çox belə biabırçı məğlubiyyətlə üzləşəcəyik. Bizdə mütəxssis yoxdu? Yaşlı istəyirlər var, daha gənc istəyirlər, o da var. Niyə özümüzkünə güvənmirik? 15 ildə əcnəbilər bizə nağıllar danışıb pulumuzu alıb gedirlər. İki oyunda qapısında 9 qol görən komandaya əcnəbi məşqçi lazımdı? Premyer-liqanın bombardiri Musa Qurbanlı 2 matçda cəmi 4-5 dəqiqə oynadı. Ona görə də həmişə deyirəm ki, Canni de Byazi yığma komandanın çalışdırıcısıdı. Bizə isə ürəyi Azərbaycanla döyünən futbolçuların çıxış etdiyi milli lazımdı. Musanı belə “sındırmaqla” nə qazanırlar? Bəlkə atasına görə ona qarşı belə münasibət gösrərirlər? Bir təyyarə adamı yığıb apardılar Avstriya və İsveçə. Aralarında deputat, futboldan xəbəri olmayan dost-tanışlar yer almışdı. Sanki turist səfəri təşkil olunmuşdu. Futbol mütəxəssisləri kənarda qaldığı halda, hərə öz yaxınının səfərə getməsinə çalışır. Bizdə futbol da var, futbolçu da. Sadəcə, düzgün yol seçmək, yaradılan şəraitdən istifadə etmək lazımdı”.