"Oyunboyu çox presinq etməyi, rəqibi daim təzyiqdə saxlamağı bacarırlar" - Səbuhi Səfiyarlı
Bu gün bütün diqqətlər Avstriyanın Lins şəhərinə yönələcək. Milli “Raiffeisen Arena”da Avstriyanın qonağı olacaq. Onu da qeyd edək ki, bu 2023-cü ildə yığmanın ilk rəsmi oyunudu.
Qarşılaşmanın startına saatlar qalmışd tanınmış agent Səbuhi Səfiyarlı “Football-plus.az” saytına açıqlamasında yığmanın şanslarını dəyərləndirdi:“Qrupumuzda yer alan İsveç və Belçikadan fərqli, Avstriya heyəti bir il əvvəldən yeniləməyə başlayıb.yeni baş məşqçinin gəlişi ilə komandaya yeni nəfəs gəldi. Millətlər Liqasında qeydə alınan nəticələr, nəticlərə ciddi önəm vermələri onu göstərirdi ki, Ralf Ranqnik yeni sistemin axtarışındadı. Son yoxlama matçlarına diqqət yetirsək Avstriyanın tez-tez 4-2-3-1, 3-4-3, 3-5-2 taktiki sxemindən istifadə edir. Xorvatiya, İtaliya qarşı oyunlarda hesaba görə taktikanı dəyişirdilər. Bu baxımdan böyük üstünlüyə sahibdilər. Futbolçuları taktiki cəhətdən savadlıdılar ki, bu da baş məşqçinin işini asanlaşdırır. Oyunboyu çox presinq etməyi, rəqibi daim təzyiqdə saxlamağı bacarırlar. Ranqnikin komandası rəqibə topla çox oynamağa imkan vermir. Bu amillər oyunun gedişində milliyə qarşı tətbiq olunacaq. Heyətlərində fərdi cəhətdən seçilən, yüksək texnikaya malik oyunçular var. Bəzən Avstriyanın oyunu getməyəndə bu futbolçular fərdi keyfiyyətlərin hesabına komandanı irəli aparır. Buna baxmayaraq, yoxlama görüşlərində olsa da belə qələbələr yığma üzvlərində inamı artırıb. Bəzi itkilər olsa da, heyəti də oturuşmuş saymaq olar. Bu da bizim xeyrimiə olan məqamdı. Qeyd etdiyim kimi Avstriyada nəsildəyişmə prosesi gedir, son görüşlərdə meydana müxtəlif heyətlə çıxıb. Ola bilsin məhz bu səbəbdən bizimlə oyunda istədiklərini göstərə bilməsinlər. Fikrimcə, milli səfərdə Avstriya ilə heç-heçə etsə, bunu bizim üçün uğurlu nəticə kimi qəbul etmək lazımdı. Çünki istər Avstriya mətbuatı, istərsə də mütəxəssisləri Azərbaycan və Estoniya kimi zəif rəqiblərlə oyunlarda maksimum nəticəyə kökləniblər”.
RƏŞAD
Digər xəbərlər
