Argentinanın DÇ-də ən çətin oyunu hansı oldu? - AÇIQLAMA
Argentinanın başında dünya çempionu titulunu qazanan və FİFA tərəfindən 2022-ci ilin ən yaxşı məşqçisi seçilən Lionel Skaloni həm geridə qalan, həm də növbəti mundial haqda danışıb.
"Football-plus.az" xəbər verir ki, o, DÇ-2022-də ən çətin rəqibiniz kim idi'' sualına belə cavab verib:
''Son mundialda ən çətin oyunumuz Avstraliyaya qarşı oldu. Çünki biz aşkar favorit sayılırdıq və onlar üçün itiriləsi bir şey yox idi. Çox çətinlik çəkdik''.
Argentina Avstraliya ilə 1/8 finalda qarşılaşdı və 2:1 hesabı ilə qalib gəldi. Növbəti mundial 2026-da Şimali Amerikanın 3 ölkəsi – Kanada, Meksika və ABŞ-da keçiriləcək. Skaloni həmin turnir haqda suala belə cavab verib:
''Gəlin, tələsməyək. Biz hələ təsnifat mərhələsini uğurla keçməliyik. Ona görə də hələ proqnoz vermək çox tezdi. Amma bizə yaxın bir ərazidə baş tutacaq mundialda iştirak etmək bizim üçün tarixi bir an olacaq''.
Digər xəbərlər
