“Neftçi”nin futbolçusu Latviya klubuna keçdi

“Neftçi”nin futbolçusu Ramin Nəsirli karyerasını Latviyada davam etdirəcək.

"Football-plus.az" xəbər verir ki, gənc yarımmüdafiəçi “Dauqavpils” klubuna keçib.

21 yaşlı oyunçu bu ilin sonunadək adıçəkilən komandaya icarəyə verilib.

Qeyd edək ki, “Neftçi-2”nin aparıcı futbolçularından olan Ramin Nəsirli əsas komandanın heyətində ötən mövsüm 4 (1 qol), bu mövsüm isə 1 rəsmi oyunda meydana çıxıb. O, Azərbaycanın U-21 millisinin üzvüdür.