Çalımbay Jezuşa söz atdı
Ötən mövsüm ''Sivasspor''un başında Türkiyə kubokunu qazanmaqla məşqçi karyerasının ilk titulunu əldə edən Rza Çalımbay Türkiyə mətbuatına açıqlamalar verib.
Onun ''Fənərbaxça''nın yeni baş məşqçisi Jorje Jezuşa söz atması diqqət çəkib: ''Sivasspor''un tarixində ən çox işləyən məşqçiyəm. Ümumilikdə 6,5 ildi burdayam. Kaş ki, atam sağ olardı. Məni kubokla görsəydi çox sevinərdi. Hətta göz yaşlarını saxlaya bilməzdi. Amma həyat məhz bu cürdü. Ardıcıl 3-cü mövsüm avrokuboklarda oynayacağıq. Bu, böyük uğurdu. Ən böyük hədəflərimdən biri Avropada uğurlu çıxış etmək və ölkəyə reytinq xalı qazandırmaqdı. Avropanın ən yaşlı klublarından biri olsaq da, səviyyəli futbolçularımız var. İstedadlı gənc oyunçu almaq üçün büdcə lazımdı. Bu yaxınlarda ''Ayaks''ın əvəzedici heyətində bir oyunçu bəyəndik. Amma bizdən 50 milyon avro istədilər! Türkiyədə yaxşı məşqçilər yetişir. Nuri Şahin, Volkan Dəmirəl də yeni nəsil məşqçilərdi. Onlara vaxt vermək lazımdı. Digərləri zatən təcrübəlidi. Amma ölkəmizə gələn əcnəbi mütəxəssislər daha şanslıdı. Məsələn, ''Fənərbaxça'' bir məşqçi gətirdi. Xüsusi təyyarə ilə İstanbula gəldi və ordan da helikopterlə otelə yollandı. Bu qədər dəbdəbəyə, bu dərəcədə şişirtməyə nə ehtiyac var? Axı bu, digər məşqçilərə haqsızlıqdı. Əcnəbi məşqçi gələn kimi hər arzusu yerinə yetirilir, istədiyi oyunçu alınır. Onsuz da komanda özü zəngindi və milyonlarla azarkeşi var. Başında kimin dayanmasından asılı olmayaraq ya çempion olacaq, ya da uzaqbaşı ikinci olacaq. Əcnəbilərə bu cür münasibət olmasına baxmayaraq, fikrimcə yerli məşqçilər onlardan heç nədə geri qalmırlar. Əksinə yerlilərin üstün cəhətləri daha çoxdu''.
Digər xəbərlər
