“Qarabağ”ın avrokuboklarda çıxış etdiyi oyunların hamısını stadiondan izləyirik. İlk növbədə komandamıza uğurlar arzu edirik. Səmimi qəlbdən inanıram ki, “Qarabağ” bu gün də qələbə qazanacaq. Bu mövsüm səfər matçlarında çox yaxşı təsir bağışlayırlar. Biz də sənət adamları olaraq “Qarabağ”ın uğurları ilə fəxr edirik. Axşam da ekran başında komandamıza dəstək olacağıq. Bütün varlığımızla inanırıq ki, “Qarabağ” qələbə qazanacaq. Qurban Qurbanova etimadımız böyükdü. Onun uğurlarının hamısı göz önündədi. Maşallah, Avropa səviyyəli komanda yaratmışıq. Heç onlardan geri qalmırıq. Oyun haqda iki variantım var. Düşünürəm ki, ya 2:1, ya da 2:0 hesabı ilə “Qarabağ” qələbə qazanacaq. Mən buna ürəkdən inanıram.

Sizin redaksiyaya təşəkkür edirəm. Çünki həmişə “Qarabağ”ın oyunlarına getsək də, bizə oyun haqda fikirlərimizi bildirmək üçün tribuna verməmişdilər. Fikirlərimizi elə dostlarımızla bölüşürdük. Sizin “Qarabağ” barədə mənə tribuna verməyiniz sevincimə səbəb oldu. İnşallah, “Qarabağ” da qələbə qazanar və xoşbəxtliyimiz daha çox olar”.