Mikele Padovano təmiz adını bərpa edib.

“Yuventus” və “Napoli”nin sabiq hücumçusu narkotik maddələrin dövriyyəsi ilə bağlı cinayət işi üzrə 17 ildən sonra bəraət alıb.

Padovano 2006-cı ildə həşişin qanunsuz dövriyyəsindəki mümkün iştirakına görə həbs olunmuşdu. İtaliya prokurorluğu əvvəlcə onun üçün 24 il müddətinə azadlıqdan məhrum edilməsini istəsə də, sonradan müddət 6 il 8 aya qədər azaldılmışdı. İndi 56 yaşında olan Mikele məhkəmənin onunla bağlı verdiyi son qərarına belə reaksiya verib: “17 il əvvəl həyatımın işığı söndü. Bu gün qaranlıq çəkilib getdi. Demək olar ki, kor olmuşdum, ürəyim yenidən isindi və mən qərarı eşidərkən ağladım. Ədalət məhkəməsinə, vəkillərim Cakomo Fransini ilə Mikele Qalassoya, həyat yoldaşıma, oğluma və mənə daim inanan hər kəsə təşəkkür edirəm”.