"Yaratdığımız qol şanslarına daha ciddi yanaşmalıyıq. Sadə oynamalıyıq. Belədə, oyun bizim üçün asanlaşa bilər. Meydança yaxşı durumda idi. "Qəbələ"də çalışan işçiləri təbrik edirəm. Çünki bu cür hava şəraitində belə stadion yaxşı idi. Komandam cəld, futbol oynamaq istəyirdi. Bu cür şəraitdə, bu cür hakimliklə oynamaq asan deyil. Düşünürəm ki, hər iki komanda futbol göstərməyə çalışdı. Ancaq 90 dəqiqədən sonra ən neqativ hal bugünkü hakimlik idi. Onlar barədə heç vaxt danışmıram. Oyundan sonra çalışdım ki, aramızda dialoqumuz olsun. Amma bəlkə də, onunla danışacaq səviyyədə deyiləm. Referi mənimlə dialoqa girmək istəmədi. Mənə irad bildirdi ki, futbol oynamaq lazımdı. Mən ona cavab olaraq dedim ki, sən bizə imkan yaratmalısan. Hər dəqiqə oyunu saxlayırdı. Çoxlu səhvlər etdi. Penalti verdi, heç onu görməmişdi. Düşünürəm ki, hakim penalti qərarı verirsə, ən azından bundan 50 faiz əmin olmalıdı. O epizodda 4-5 dəqiqə bizi saxladı. Sonda isə 4 dəqiqə əlavə edildi. Halbuki 4 dəqiqənin çoxunda "Qəbələ"nin oyunçuları yerdə qalmışdı. Bu cür şəraitdə oynamaq asan deyil. Ona görə hakim barədə danışdım.

Biz qollar vurmalıyıq. Daha çox qol fərqlənməliyik. Kifayət qədər də şanslarımız olur. Hər yaratdığımız qol şansına 100 faiz yanaşmırıq. Topa sahib olma bizdə olur, oyunu idarə edirik, amma sonda qol vurmalıyıq. Bu gün də 2-3 epizod var idi ki, yararlana bilmədik. Daha sadə oynasaydıq, asanlıqla qola yaxınlaşardıq. Amma həmişə də oyun dayanır, uzanır epizod, oyunumuzu çətinləşdirik. Bizim bu oyuna hazırlığımızın taktikası ondan ibarət idi ki, rəqibi öndə sıxaq. Hətta ilk hissəyə baxsaz, irəlidə sıxırdıq, "Qəbələ" uzun ötürmələrlə çıxırdı. Biz onlara topu verdikdən sonra, təhlükəli olurdular. Bu gün bizim günümüz deyildi".