De Byazi Azərbaycan millisi haqda danışdı: "Əvvəlcə bəzi problemlər var idi"

Azərbaycan milli komandasının baş məşqçisi Canni De Byazi İtaiiya mətbuatına müsahibə verib.

Football-plus.az xəbər verir ki, "StadioSport.it"ə danışan italiyalı mütəxəssis yığmamızın AÇ-2024-ün seçmə mərhələsində çətin qrupda yer aldığını dilə gətirib:

"Əvvəlcə bəzi problemlər var idi. Çünki mentaliteti dəyişmək lazım gəldi. Son matçların hamısında qalib gəlirik və ümid edirəm ki, belə davam edəcəyik. Biz AVRO-2024-ün seçmə mərhələsində Belçika, Avstriya və İsveç kimi rəqiblərlə eyni qrupdayıq. Hansı ki, bu qrupdan çıxmaq demək olar mümkün deyil. Dördüncü səbətdən bu qrupa düşmüşük və yalnız Estoniya aşağı-yuxarı bizim səviyyəmizdi. Qrup çox çətindi, amma əlimdə olan bütün şanslardan istifadə etməyincə heç vaxt təslim olmaram”.