DÇ-2002-nin ardından həm rekordları, həm də artan nüfuzu ilə gündəmi zəbt edən argentinalı superstar Lionel Messi ilə bağlı maraqlı xəbərlər gəlməkdədi.

Football-plus.az xəbər verir ki, qətərlilər qeyri-adi addım atmağa hazırlaşırlar. Qətərin QNA informasiya agentliyinin yaydığı xəbərə inansaq, Argentinanın turnirboyu qaldığı tələbələr şəhərciyinin binasında Messi ilə Serxio Aqueronun birlikdə yaşadığı otaqda artıq gecələmək mümkün olmayacaq.

Ora yalnız qonaqlar buraxılacaq. Çünki dövlət rəsmiləri həmin otağı muzeyə çevirmək qərarına gəliblər! Yəni 2 çarpayı, 1 stol, divan və kreslodan ibarət olan otaqdan mini-muzey quraşdırılacaq. Bunu Qətər Universitetinin ictimaiyyətlə əlaqələr üzrə direktoru Hitmi Xəlifə Əl-Hitmi açıqlayıb. O, bildirib ki, Messinin istifadə etdiyi əşyalara da əl vurulmayacaq. Bu, tələbələr və gələcək nəsillər üçün miras kimi saxlanılacaq. Otağın qapısına isə Argentinanın gerbi vurulacaq. Hərçənd ən son xəbərlərdə bunun yalan məlumat olduğu qeyd olunub. Guya universitet rəsmisi bildirib ki, Hitmi Xəlifə Əl-Hitminin sözləri yanlış anlaşılıb.