Mehdi Hüseynzadə adına Sumqayıt şəhər stadionunda işlər yekunlaşsa da, açılış tarixi dəqiqləşməyib.

Football-plus.az xəbər verir ki, dünən bununla bağlı əlaqə saxladığımız arenanın direktoru Nadir Quliyev yenə konkret cavab vermədi:

"Stadionda işlər bitib. Açılış üçün heç bir problem yoxdu, biz hazırıq".

Arenanın açılışının Prezident İlham Əliyevin doğum gününə, yəni bu günə təsadüf edəcəyi haqda da informasiya dolaşır. Amma Nadir bəy bundan xəbərsiz olduğunu söylədi:

"Cənab Prezidentin doğum günü münasibətiylə açılış olsaydı, bizə ən azı iki gün əvvəldən xəbər verilərdi. Odu ki, stadionun açılışının dekabrın 24-də olması real deyil".

ABDULLA İSMAYILOĞLU