"Azarkeşlərimiz yarımfinala yüksəlməyimizi çox istəyirlər"
Bu gün "Kəpəz" Azərbaycan Kubokunun 1/4 final mərhələsinin cavab oyununda “Turan Tovuz”un qonağı olacaq.
Football-plus.az xəbər verir ki, klubun mətbuat xidməti qarşıdakı görüş öncəki Tural Rzayevin fikirləri öyrənib. Təcrübəli yarımmüdafiəçi Qərb derbisində qalib gələrək, mərhələ keçmək istədiklərini deyib:“İlk oyunda məğlub olmağımıza baxmayaraq, mərhələni keçmək istəyirik. Bilirik ki, bizi çətin oyun gözləyir. Ona görə cavab matçında daha yaxşı çıxış etməliyik. Buna gücümüz çatar. İlk oyunda Tovuz klubu bizi məğlub edə bilibsə, təkrar görüşdə onlara qalib gələ bilərik. Düşünürəm ki, buna mane olacaq bir səbəb yoxdu. Hazırlıqlarımız yaxşı keçib. Tapşırıqlar verilib və necə oynamalı olduğumuzu bilirik. Həftə ərzində də bunun üzərində işləmişik. İnşallah, matçda bunu həyata keçirərək qalib gələn və mərhələ keçən tərəf biz olarıq. Azarkeşlərimiz də yarımfinala çıxmağımızı çox istəyirlər”.
Digər xəbərlər
