Səudiyyə Ərəbistanı millisinin üzvlərinə “Rolls Royce Phantom” verilib?
Səudiyyə Ərəbistanı millisinin futbolçularına DÇ-2022-nin qrup mərhələsinin 1-ci turunda Argentinada üzərində 2:1 hesablı qələbəyə görə “Rolls Royce Phantom” avtomobili verilməyib.
Football-plus.az xəbər verir ki, bu haqda Səudiyyə Ərəbistanı Futbol Federasiyasının prezidenti Yasir Əl-Mişal məlumat verib.
O, “Marca”ya açıqlamasında belə deyib:
“Yox-yox, futbolçularımız ölkəni təmsil etdiklərini düşünərək qürurla oynayırdılar. Milli komandanı tarixi matçda təmsil etmək onlar üçün şərəf və qürur idi. Bu şayiələr həqiqətəuyğun deyil. Əlbəttə, futbolçuların bonusu var idi. Lakin bu, adi bir bonus idi. Belə hallara görə bizim qaydalarımız var. Onlar bonuslar üçün deyil, ölkə üçün oynayırlar. Futbolçuların bir çoxu Argentina üzərində qələbədən sonra məşhurlaşdılar”.
Digər xəbərlər
