Bilindiyi kimi, İngiltərə yığması üçün artıq DÇ-2022 başa çatıb.
Football-plus.az xəbər verir ki, britaniyalılar 1/4 finalda Fransaya 1:2 hesabıyla boyun əydilər. Kapitan Harri Keynin matçın son anlarında penaltidən yararlana bilməməsi və topu qapının üstündən vurması həlledici oldu.
“Üç şir”in mübarizəni dayandırması ingiltərəli Karl Baksterə də ciddi ziyan vurub. İş adamı olan və böyük futbol pərəstişkarı kimi tanınan 46 yaşlı Bakster turnirin gedişində bir biznes-plan qurubmuş. O, İngiltərənin çempion olacağına o qədər əmin idi ki, yığmanın 18 min formasını alaraq üzərində “İngiltərə 2022-də dünya çempionudu. Futbol, nəhayət, evinə qayıtdı” sözlərini yazdırmışdı. Bakster əvvəlcə bir formanı 29,99 funt sterlinqə satmağı planlaşdırırdı. Yəni o, bu layihədən ümumilikdə 539820 funt sterlinq irəli düşmək niyyətində idi. Amma məlum səbəb üzündən artıq bu plan baş tutmayacaq. İngiltərənin məğlubiyyətindən sonra planının baş tutmayacağını öyrənən Bakster çarəsizlikdən formanın birini ilkin planlaşdırdığı qiymətdən 20 funt sterlinq az, yəni cəmi 9,99 funt sterlinqə satmaq qərarına gəlib. İş adamı hətta bu qiymətə də olsa, formaların hamısını sata biləcəyi təqdirdə (hərçənd bunun mümkünlüyü ehtimalı çox azdı) cəmi 179820 funt sterlinq, yəni ilkin planlaşdırdığı məbləğdən 360 min funt sterlinq az qazanacaq. Amma indidən bəllidi ki, ziyan daha böyük olacaq. Eyni zaman Britaniyada populyar olam ”Wholesale Clearence“ şirkətinin satış meneceri olan Bakster futbolsevərlərə bu sözlərlə müraciət edib: