Niderlandlı Kodi Qapko qışda PSV-ni tərk edə bilər.

Football-plus.az xəbər verir ki, məlumatı "The Telegraph" nəşri yayıb.

Vingerlə "Mançester Yunayted" və "Real" yaxından maraqlanır. "Qırmızı şeytanlar" PSV-yə 55 milyon avro ödəyə bilmək gücündə deyil. Lakin Erik ten Haq futbolçunun transfer edilməsini rəhbərlikdən tələb edir.

"Real" isə bu pulu ödəmək ixtiyarındadı. "Kral" rəsmiləri fasilədə Qapkonun keçidini həll etməyə çalışacaq.

Qeyd edək ki, vinger bu mövsüm həm millinin, həm də PSV-nin heyətində 30 görüşdə 17 qol vurub, 18 məhsuldar ötürmə edib.