"Ardıcıl iki heç-heçə və "Mingəçevir"ə məğlubiyyət futbolçularda psixoloji gərginlik yaratmışdı. Həmin matçlarda son dəqiqələrdə qapımızda qollar görmüşdük. Fərdi və kollektiv söhbətlərdən sonra futbolçuları toparlaya bildim. Son çempion "Qaradağ Lökbatan"a qarşı doğma publika önündə oynasaq da, hava şəraiti də bir az işimizi çətinləşdirmişdi. Yağış qazonda müəyyən problemlər yaratmışdı. Buna rəğmən, qarşılaşmaya xüsusi motivasiya ilə çıxmışdıq. Hər iki hissədə dominant oyun sərgiləməklə vacib qələbə qazandıq və yenidən liderliyə yüksəldik. Şükürlər olsun, hər şey qaydasındadı".

"Orxan premyer-liqa təcrübəsi olan futbolçudu. Sadəcə, hələ tam performansını ortaya qoymur. Üzərində çox işləməlidi ki, formasının zirvəsinə çatsın. Biz ona güvənir və daha yaxşı oyun gözləyirik".

"Qarşıda hələ 3 tur var. Ona görə oyunlara köklənmişik. İndidən toplanış və transfer barədə danışmaq tezdi. Üç oyunu keçirəndən sonra rəhbərliklə danışıb bu məsələlərə aydınlıq gətirəcəyik. Amma ümumilikdə bir neçə futbolçunu izləyirik. Komandaya uyğun gəlsələr, heyətə qata bilərik".