MBA-nı bütün dünyada sevdirən həm də bu liqada çoxlu parlaq basketbolçunun çıxış etməsidi.

"Football-plus.az" xəbər verir ki, bunlardan biri Luka Donçiçdi. “Dallas”ın oyun qurucusu “Denver”lə oyunda (127:99) tripl-dabl etdi – 33 xal, 12 ribaund, 11 ötürmə. Donçiç MBA-dakı 278-ci oyunda 50-ci tripl-dablına imza atdı. Ondan tez bu həddə çatan yeganə basketbolçu Oskar Robertsondu. 1960-74-cü illər aralığında çıxış edən Oskar cəmi 111-ci oyunda 50-ci tripl-dablı edib. Bu siyahıda 3-cü yeri isə 50-ci tripl-dabla 279-cu oyunda imza atan “Leykers”in əfsanəsi Mecik Conson tutur. Donçiç tripl-dabl sayına görə MBA tarixində 10-cu yerə yüksəldi. Bu göstəricidə rekord Rassell Uestbruka (194) məxsusdu.

“Qolden Steyt”in hücumameyilli müdafiəçisi Kley Tompson “Nyu-York”la oyunda karyerasında 1951-ci dəfə üçxallıq atış etdi və bu göstətiricidə MBA tarixindnə 16-cı yerə yüksəldi. 31 yaşlı amerikalının rekordçu Stefen Karriyə (3189) çatması çox çətin görünür.