Seneqal millisinin baş məşqçisi Aliu Sisse DÇ-2022-nin ilk turunda Niderlana məğlub olduqları görüş (0:2) barədə danışıb.

"Football-plus.az" xəbər verir ki, mütəxəssis ən azı heç-heçəyə layiq olduqlarını deyib:

“Yüksək səviyyəli matç oldu. Hesab oyunun bütün mahiyyətini əks etdirmir. Bəli, qol vura bilmədik, amma yaxşı şanslarımız oldu. Qarşıdakı iki görüşdə şanslarımızı reallaşdırmağa çalışacağıq. Biz əsəbiləşdik. Futbolçular meydanda çox enerji itirdilər, ən azı heç-heçəyə layiq idik.

Bəlkə də mən günahkaram. Komanda uduzanda günahkar baş məşqçi olur. Futbolda səmərəlilik vacibdi, qol vurmasan, qazanmazsan. Biz bunun üzərində işləyəcəyik. Niderland üzərində qələbə bizi düzgün yola sala bilərdi. Amma bu baş vermədi. Məğlubiyyət bizi motivasiya edir. Oyunumuz o qədər də pis deyildi, indi daha da yaxşılaşdırmaq lazımdı".

Qeyd edək ki, DÇ-2022-nin 2-ci turunda Seneqal ev sahibi Qətərlə qarşılaşacaq. Qarşılaşma noyabrın 25-də oynanılacaq.