Dua Lipa təkzib etdi və Qətərə ''ilişdi''
Dünyaca məşhur pop müğənnisi Dua Lipa DÇ-2022-nin açılış mərasimində çıxış edəcəyi ilə bağlı yayılan şaiyələri təkzib edib.
Football-plus.az xəbər verir ki, 87 milyon təqibçisi olan ''instaqram'' səhifəsindən açıqlama verən 27 yaşlı Dua Lipa Qətərə ''ilişmək'' fürsətini də əldən verməyib:
'
'DÇ-nin açılış mərasimində iştirak edəcəyimlə bağlı son günlər çox söz-söhbətlər gəzir. Amma heç kimlə danışıq aparmamışam və həmin gün də səhnəyə çıxmayacam. Turnirdə İngiltərəni dəstəkləyəcəm və Qətərə yollanacağım günü səbirsizliklə gözləyirəm. Amma bunun üçün Qətərin mundiala ev sahibliyi hüququnu qazanarkən insan haqları mövzusunda verdiyi vədləri yerinə yetirməsini gözləyirəm''.
Xatırladaq ki, albanəsilli ingiltərəli müğənni daha öncə 2018-ci ildə Kiyevdə ''Liverpul'' ilə ''Real'' arasında baş tutan ÇL-in final matçından öncə səhnəyə çıxaraq mahnılarını səsləndirmiş və performansı ilə böyük alqış qazanmışdı. Dua Lipa həm də musiqi dünyasında böyük nüfuza malik olan ''Qremmi'' mükafatının qalibidi. O, bu mükafatı 2019-da ''Elektricity'' mahnısına görə qazanıb.
Digər xəbərlər
