"Şamaxı"lı futbolçu milli komanda səviyyəsinə çatdığını düşünür - AÇIQLAMA
"Şamaxı"nın heyətində yer alan gənc futbolçulardan olan Fuad Bayramov son oyunlarda parlaq çıxışla diqqətləri üzərinə çəkib.
14-cu turda "Sumqayıt"a 4:2 qalib gəldikləri matçdan sonra isə komandanın baş məşqçisi Vüqar Əsgərli bildirdi ki, Fuad bu oyunla millinin də diqqətini cəlb edə bilər. Maraqlıdı, futbolçu özü bu haqda nə düşünür? O özünü milli səviyyəsində görür? Özünü yığmada oynamağa hazır sayır? Bu suallarla Bayramova müraciət etdik. Gənc futbolçu "Football-plus az" sayına bunları dedi:"Əlbəttə, hər bir futbolçunun istəyi, arzusu milli komandada yer almaqdı. Mən də istəyirəm ki, yığmanın üzvü olum. Gedişat da bu istiqamətdədi. Belə deyək, mən hələ yeni-yeni parlayıram. Düşünürəm ki, belə davam edəcəyim halda milliyə dəvət alacam. Niyə də olmasın? Hazırda yığmada mənim mövqeyimdə oynayan iki futbolçu var. Onların təcrübəsi məndən çoxdu, avrokuboklarda oynayıblar. Lakin mən özümü heç bir futbolçudan zəif saymıram. İnşallah, bunu zamanla sübut edəcəm. Yenə də ümidim çoxdu. Milliyə dəvət alacağımı gözləyirəm. Bu ümidlə də üzərimdə işləməyə davam edirəm".
ŞAİR ABDULLA
Digər xəbərlər
