İngiltərə premyer-liqasının 13-cü turunda “Liverpul”gözlənilmədən aşkar autsayderə uduzdu.

Football-plus.az xəbər verir ki, “Nottingem Forest” nədənsə Kloppun komandası üçün çətin rəqib oldu. Böyük ərazi üstünlüyünə malik olan “qırmızılar” faktiki topla vidalaşmadı. Sadəcə, qonaqların təhlükəli vəziyyətlərinin sayı az idi, onlar sanki gec-tez qol vuracaqlarından arxayın idilər. Savadlı şəkildə müdafiə olunan “meşəçilər” rəqibə fərqlənmək imkanı yaratmadı. Əlbəttə, “Liverpul” zaman-zaman əzəmətini hiss etdirirdi, fasiləyə qədər üç təhlükəli hücumla yadda qaldı, ancaq Alisson da boş dayanmırdı. “Nottingem”in 55-ci dəqiqədə yerinə yetirdiyi cərimə zərbəsi həlledici oldu, onun ardından Avonyi hesabı açdı. Bundan sonra “meşəçilər” daha sıx müdafiə olunmağa başladı, “Liverpul” isə ideyasızlıqdan əziyyət çəkdi. Düzdü, qonaqlar sonda hücum dalğası təşkil edə bildi. Onlar bir neçə gözəl imkan qazansa da, möcüzələr göstərən qapıçı Henderson hesabın bərabərləşməsinə imkan vermədi. “Meşəçilər” cari mövsümdə 2-ci qələbəsini qazandısa, “qırmızılar” ilk səfər qələbəsini hələ gözləməli olacaq.

Bundan əlavə, “Nottingem Forest” 1996-dan bəri ilk dəfə “Liverpul”u məğlub etdi. Həmin ilin martında da “meşəçilər” evdə 1:0 hesablı qələbə qazanmışdı. O vaxtdan bəri keçirilən 5 oyunun 3-də “Liverpul” qalib gəlmiş, 2-də heç-heçə qeydə alınmışdı.