26 illik həsrətə son qoydular

İngiltərə çempionatının 13-cü turu sensasiya ilə başlayıb.

“Liverpul” tura sonuncu yerdə start verən “Nottingem Forest”ə minimal hesabla məğlub olub. Nottingem klubu bu rəqibini 26 ildən sonra ilk dəfə məğlub edib. “Qırmızılar” 1996-cı ilin martında da nottingemlilərə bir cavabsız qolla uduzmuşdular. Həmin görüşdən sonra komandalar 5 dəfə qarşılaşmışdılar. “Liverpul” bu oyunlardan üçündə qalib gəlmiş, iki matç heç-heçə sona çatmışdı.