Yulian Naqelsmann ilə bağlı mənfi xarakterli xəbərlər səngimir.

“Bavariya”nın oyunçuları ilə rəhbərliyinin komandanın baş məşqçisinin davranışlarından narazı olduğu iddia edilir. “Bild” qəzetinin yaydığı xəbərə görə, 35 yaşlı mütəxəssisin matçlardan sonraı ünsiyyət tərzi futbolçuları qane etmir. Belə ki, Naqelsmann bəzən oyunçuları sərt tənqid edir. Rəhbərlik isə öz növbəsində onun rəsmi oyunlar üçün yanlış geyim seçməsindən narazıdı.

Son nəticələr də bosları qane edə bilməz. “Bavariya” bundesliqanın son 4 matçında qələbə qazana bilməyib (3 heç-heçə, 1 məğlubiyyət). Komanda hazırda turnir cədvəlində 12 xalla 5-ci yerdədi. Naqelsmannın bu səbəblərdən istefaya göndəriləcəyi iə bağlı iddialar səngimir.