Robert Levandovskinin “Bavariya”nı nə üçün tərk etmək istədiyi ilə bağlı versiya ortaya çıxıb.

Polşalı hücumçu komandanın baş məşqçisi Yulian Naqelsmannın iş üsulları və matçlar üçün seçdiyi taktikadan narazıdı. Bu haqda “Sport1” məlumat yayıb. Telekanalın iddiasına görə, komandanın iki aparıcı oyunçusu məşqçinin oyun üslubu ilə bağlı ideyalarını bəyənmir. Onlardan biri Levandovskidi. İddia edilir ki, polşalı hücumçu daim Naqelsmannın seçdiyi taktikanı, həmçinin məşqdə verdiyi çətin tapşırıqları tənqid edir.

Qeyd edək ki, “Bavariya” bundesliqada mövsümün sonuna 4 tur qalmış turnir cədvəlinə başçılıq edir. Komanda Çempionlar Liqasında “Vilyarreal”a ümumilikdə 1:2 hesabıyla uduzmaqla mübarizəni 1/4 finalda dayandırıb.