“Mozzart Sport”un iddiasına inansaq, bu həftə məşhur serb basketbolçu Deyan Bodiroqa bu həftə Avroliqanın baş direktoru vəzifəsində Deyan Bodiroqanı əvəz edəcək.

Avroliqanın Səhmdarlar Şurası artıq Bartomeunun istefaya göndərilməsinə qərar verib. İspaniya və Türkiyə klubları onun qalmasını istəsələr də, klubların əksəri ispan idarəçinin rəhbərlikdən çəkilməsinə səs verib. Belədə 2000-ci ildən Avroliqaya rəhbərlik edən 63 yaşlı Bartomeunun getməkdən başqa çıxış yolu qalmayıb.

49 yaşlı Bodiroqa isə Avroliqanın üçqat çempionu, “Dördlər finalı”nın ikiqat MVP-si, ikiqat dünya, üçqat Avropa çempionu, 2002-ci il üçün Avropanın ən yaxşı basketbolçusu olub. Bodiroqa karyerasını bitirəndən sonra idarəçi kimi də çalışıb. 2007-09 aralığında Roma “Virtus”unun baş meneceri olub, 2011-ci ildən 2015-ci ilə kimi Serbiya Basketbol Federasiyasının vitse-prezidenti vəzifəsində çalışıb, hansısa məqamda FİBA-Avropa strukturunda təmsil olunub.

Avroliqanın müvəqqəti baş direktoru kimi Marşall Qlikmann çalışacaq və iqtisadi məsələləri boynuna götürəcək. Bodiroqa isə elit Avropa turnirinin imicini yüksəltməyə və liqanın gələcəyini klublarla razılaşdırmağa köklənəcək. Qlikman atasının idarəçiliyi vaxtında “Portlend”in baş vitse-prezidenti olub, ardından Avroliqaya marketinq məsələlərində yardım edib, “G2 Strategic” agentliyini yaradıb. Bundan sonra isə qitənin ən nüfuzlu klub turnirinin idarəçliyində Bodiroqaya yardım edəcək.