Niderlandın "Eyndhoven" klubunda çıxış edən Ozan Can Kökçü Azərbaycan millisinə dəvət alıb.

"Footbal-plus.az" xəbər verir ki, bu barədə "ed.nl" saytı məlumat yayıb. 24 yaşlı yarımmüdafiəçi Slovakiya və Qazaxıstan yığmalarına qarşı UEFA Millətlər Liqasının oyunları üçün heyətə cəlb olunub.

Ozan Can bu mövsüm II liqa klubu ilə 6 matçda 3 qol vurub.

Yarımmüdafiəçi daha əvvəl Azərbaycanın U-21 yığmasında çıxış edib.

Azərbaycan millisi Millətlər Liqasında sentyabrın 22-də Slovakiyanın qonağı olacaq, 3 gün sonra isə Bakıda Qazaxıstanı qəbul edəcək.