“Atletiko” Renan Lodi ilə müqaviləni yeniləyib. Yeni sənədi imzalayan müdafiəçi komandanı tərk edib.

Football-plus.az xəbər verir ki, braziliyalı futbolçunun yeni sözləşməsinin müddəti 2026-cı ilin yayına qədərdi. Lodi artıq “Nottingem Forest”ə icarəyə verilib. 24 yaşlı müdafiəçi İngiltərə klubunda 2023-cü ilin yayına qədər çıxış edəcək. “Nottingem Forest” mövsümün sonunda Renanı birdəfəlik transfer etmək istəsə, İspaniya klubuna 30 milyon avro ödəməlidi.

Bu arada “Tottenhem”i daha bir futbolçu tərk edib. Serxio Regilon karyerasını İspaniyada davam etdirəcək. “Atletiko” ispan müdafiəçini cari mövsümün sonuna qədər icarəyə götürüb. Regilon “Tottenhem”ə 2020-ci ilin sentyabrında “Real”dan transfer olunub. O, London klubunda 67 oyuna 2 qol vurub və 9 qolun ötürməsini verib.