Neçə vaxtdı hücumçu axtarışında olan “Yuventus” problemi həll edib.

"Football-plus.az" xəbər verir ki, Arkadiuş Milik İtaliyaya dönməyə yaxındı.

Turin klubu artıq polşalı hücumçu ilə razılığa gəlib. Arkadiuşun yeni iş yerində ilə 3,5 milyon avro qazanmaq imkanı var. “Yuventus”un onun icarəsinə görə “Marsel”ə 2 milyon avro ödəyəcəyi xəbər verilir. İtaliya klubu bir ildən sonra təcrübəli futbolçunu 8 milyon avroya transfer edə bilər. Keçid məsələsində yalnız turinlilərin Milikin agentləri ilə razılığa gəlməsi qalır. Xatırladaq ki, Milik “Marsel”ə 2021-ci ilin yanvarında keçib. Fransa komandasında 55 oyuna 30 qol vuran və 3 məhsuldar ötürmə edən polşalı 2016-21-ci illərdə “Napoli”də çıxış edib.

Qeyd edək ki, “Yuventus” uzun müddət Memfis Depayı hədəf alsa da, niderlandlı hücumçunun maliyyə tələbi İtaliya klubunu onun keçidindən vaz keçməyə vadar edib.