"Qarabağ-2" Naxçıvana hansı marşrutla gedir? - AÇIQLAMA
Avqustun 24-də 1-ci divizionda mövsüm start götürür.
Turun maraqlı qarşılaşmalardan biri "Araz Naxçıva"la "Qarabağ-2" arasında baş tutacaq. Oyunu maraqlı edən məqamlardan biri matçın Naxçıvan şəhərində keçirilməsidi. Görəsən, "köhlən atlar"ın əvəzediciləri Muxtar Respublikaya nə vaxt yola düşür?
"Football-plus.az" saytı olaraq bu suala aydınlıq gətirmək üçün "Qarabağ-2"nin baş məşqçisi Cavad Mirzəyevlə əlaqə saxladıq:
"1-ci divizionun ilk turunda çox güclü və iddalı rəqibə qarşı oyun keçirəcəyik. Avqustun 23-ü axşam Naxçıvana uçacağıq. Ertəsi gün saat 17.00-da isə matça çıxacağıq".
Cavab Mirzəyev komandanın hazırlığına və hədəflərinə də aydınlıq gətirdi:
"Ötən mövsümlə müqayisədə bu dəfə heyətimizdə gənc futbolçular üstünlük təşkil edəcək. Hazırda əsas narahatlığım odu ki, ilk turda sərəncamımda bütün oyunçular olmayacaq. U-23 və U-19 millilərimizin toplanışına cəlb olunan futbolçularımız var".
Mütəxəssis yay toplanışında əsas komandaya cəlb olunan Nəriman Axundzadənin əvəzedici heyətdə oynamasının mümkünlüyündən də danışdı:
"Nəriman Axundzadə çox perspektivli futbolçudu. Hazırda o da millinin toplanışındadı. Əsas komandamızda rəqabət çox güclüdü, amma Qurban müəllim onu sərəncamında görmək istəyirsə, düşünürəm ki, premyer-liqa oyunlarında şans verəcək. Böyük ehtimalla formada qalmaq üçün əvəzedici heyətlə 1-ci divizion matçlarında da çıxış edəcək. Biz gənc futbolçularımızın daim oynamasında maraqlıyıq".
ABDULLA İSMAYILOĞLU
Digər xəbərlər
