“Mersedes” maşınları hələ sürət baxımından “axsayır” və bu komandanın pilotları qələbəyə ciddi iddiasını ortaya qoya bilmir.

Ancaq komandanın rəhbəri Toto Volff son mərhələlərdə vəziyyətin dəyişdiyinə inanır.

- Lüis Hemilton ardıcıl 3-cü dəfə fəxri kürsüyə qalxdı, Corc Rassell finişə 4-cü çatdı. Avstriya mərhələsinin yekununu necə dəyərləndirərdiz? Çox güman, hələ də “Red Bull” ilə “Ferrari”dən geri qaldığınıza görə məyussuz.

- Bəli. Ancaq görürəm ki, son aylarda geriliyi yarıbayarı azaltmağa nail olmuşuq. Biz artıq bunun səbəblərini yaxşı anlayırıq, ancaq hələ ki 3-4-cü yerlərdən yuxarı qalxa bilmirik. Demək olar ki, heç-heçəlik ərazidəyik, axı bizdən arxada olanlar aşkar ləngdi. Ancaq yarış tempindən danışarkən müsbət məqamları da vurğulamaq olar: Lüis ilk “6-lıq”da start götürsəydi, Maks Ferstappenə daha da yaxınlaşa bilərdi. Ancaq Hemilton 8-ci mövqedən start götürdü.

- Həftəsonunun əvvəlində maşınızın tempi yaxşı mənada təəccübləndirdi, təsnifatda gördük ki, Lüis trassın bəzi hissələrində hamıdan sürətlidi. Onun üçün faktiki yeni maşın yığmağınız sürətə nə dərəcədə təsir göstərdi?

- Əlbəttə, bunun təsiri oldu. Komanda yaxşı çalışdı, ancaq belə vəziyyətdə biz əvvəlcədən münasib durunda deyildik. Avstriyada sürətli olacağımızı gözləmirdik ki, bu da trassın xarakteri ilə bağlıdı. Əvvəllər də burda çətinliklərimiz olub. Bu üzdən nəticələr məni qane edir. Sadəcə, liderlərdən geriliyi tədricən aradan qaldırmaq lazımdı.

- Maşının silkələnməsi ilə bağlı problemin öhdəsindən gəlibsizmi?

- Problem tam həll olunmayıb. Və yenidən Monakoda və ya Bakıda yarışmaq lazım gəlsəydi, bəlkə silkələnmə yenidən başlayacaqdı, ancaq bu mənada tərəqqi göz önündədi.

- Fransa mərhələsi ilə bağlı hansı gözləntiləriniz var?

- Pol-Rikarda çətinliyimiz olmamalıdı. Pol-Rikarı hardasa Silverstounla müqayisə etmək olar – orda da sürətli döngələr var, nəzəri cəhətdən yüksək sürət yığmağa qadirik.

- Mövsümün yarısı arxada qalıb. Komandanın əhval-ruhiyyəsi haqda nə demək olar?

- Ümumilikdə köklənmə pis deyil, axı geriliyi aradan qaldırdığımızı görürük, bu isə çox vacibdi. Çoxdan proqnozlaşdırılan dönəmi yaşayırıq: ardıcıl 8 tituldan sonra qələbə seriyası bitməliydi. Ancaq biz bu fasilənin qısa olmasını istəyirik, onun uzanmasına imkan vermək olmaz.

- Maşınla bağlı yaşananlardan sonra və komandanın indi qərarlaşdığı mövqeyi nəzərə alanda Hemiltonla Rassellin münasibətləri haqda nə demək olar?

- Onların münasibətləri əladı, anlayırlar ki, 1 nömrəli düşmən istədiyimiz qədər effektli olmayan maşındı. Baxmayaraq ki, pilotlarımız arasındakı rəqabət kəskinləşə bilər (onların bir-biri ilə yarışmasına icazə veririk), həmişə yaxşı münasibətləri qorumaq hər şeydən vacibdi. Sadəcə, hər ikisi yaxşı adamdı. Məsələn, “Ferrari”də də Şarl Leklerlə Karlos Saynsın bir-biri haqda pis nəsə dediyini xatırlamıram, hərçənd onlar trassda çox sərt mübarizə aparırlar. Bizim pilotlar da yaxşı adamlardı, birgə səylərlə nəyə nail olmaq istədiyimizi anlayırlar.