Avropa Liqasının son qalibi ''Ayntraxt''ın nədənsə, türkiyəli oyunçularla ulduzu barışmır.

Frankfurt təmsilçisi bir müddət öncə ''Beşiktaş''dan Rıdvan Yılmazı transfer etməyə yaxın idi. Amma klublar arasında maddi məsələlərdə anlaşma əldə olunmayınca almanlar bu transferdən vaz keçdilər.

İndi də məlum olub ki, müqavilə ilə ''Ayntraxt''a məxsus olan Əli Akman gələn mövsümü yenə başqa klubda icarədə keçirəcək. Düşünmək olardı ki, Akman ötən mövsümü ''Neymegen''də keçirib təcrübə topladıqdan sonra qarşıdakı mövsüm artıq ''Ayntraxt''da oynayacaq.

20 yaşlı vinger komanda ilə birlikdə hazırlıq dönəmində də iştirak edirdi. Amma onun ən son Avstriya toplanışına aparılmaması diqqət çəkdi. Komandanın idman direktoru Markus Kröşxe türkiyəli ilə bağlı bunları deyib:

Qeyd edək ki, ''Ayntraxt''a 2021-in yayında ''Bursaspor''dan gələn istedadlı futbolçu ötən mövsüm icarə əsasında ''Neymegen''də top qovmuş və 21-i start heyətində olmaqla 32 rəsmi oyunda 6 qol vurmuşdu. Əli sentyabrda erediviziyanın ən yaxşı oyunçusu seçilmişdi. Türkiyə mətbuatının yazdığına görə, Akman ''Bohum'' və ''Fortuna''dan təklif alıb.