Artıq üç həftədi ki, “Şamaxı” “başsız”dı, yeni mövsümlə bağlı planlar açıqlanmır.

Məsələ ilə bağlı klub rəsmiləriylə dəfələrlə əlaqə saxlasaq da, heç bir yeniliyin olmadığını deyirlər. Buna səbəb isə hələ də Müşahidə Şurasına sədrin seçilməməsidi. Zaur Axundovun istefa verməsindən sonra bu post boş qalıb.

Nəhayət, dünən “Şamaxı” haqda yeni xəbər eşitdik. Etibarlı mənbədən əldə etdiyimiz bilgiyə görə, komandada baş məşqçi dəyişikliyi olacaq. Növbəti mövsümdən “şirlər”i Şahin Diniyevin çalışdıracağı gözlənilir. Mənbəmizin sözlərinə inansaq, Rüstəm Əliyevi əvəzləyəcək 55 yaşlı mütəxəssis dünən Şamaxıda icra başçısı ilə görüşüb.

Qeyd edək ki, Şahin Diniyev hazırda Məşqçilər Komitəsinin üzvüdü.

ŞAİR ABDULLA