Premyer-liqada çıxış edən klubların əksəriyyətinin növbəti mövsüm üçün büdcəsi hələ təsdiqlənməyib.

Məhz bu səbəbdən də elita təmsilçilərinin bəziləri transfer çalışmalarına başalaya bilmirlər. Daha doğrusu, büdcəsi təsdiqlənməyən klublar maraq dairələrinə düşən futbolçularla danışıqlar aparsalar da, rəsmi müqavilə imzalaya bilmirlər. Səbəb dedyimiz kimi, maliyyə məsələsidi.

Qeyd etdiyimiz məsələ ilə bağlı dünən “Football-plus.az” saytına ilginc məlumat daxil olub. Etibarlı mənbədən əldə etdiyimiz bilgiyə əsasən, hələ ki, sahibsiz qalan “Şamaxı”, premyer-liqada iştirak edəcəyi dəqiqləşən “Turan Tovuz” və “Kəpəz”ə yerli icra hakimiyyətləri sponsorluq edəcək. Yəni, hər üç komandanın sponsoru təmsil etdikləri rayonun icra başçısına tapşırılacaq. Mənbəmizin sözlərinə görə, bu addım adını qeyd etdiyimiz klubların rəhbərliyini narahat edir. Onlar icra başçısılarının klublara yetərincə dəstək verməyəcəklərini düşünürlər.

RƏŞAD