Borisov futzalın min-futboldan daha çətin olduğunu düşünür
Vitali Borisov ad-soyadı hamıya tanışdı.
Futzalda yetərincə uğurlar qazanan bu şəxs indidə mini-futbol üzrə milli komandanın heyətində Avropa çempionu oldu. Dünən səhər saatlarında yığma vətənə döndü. Borisov hisslərini jurnalistlərlə bölüşdü: “Ağır oyun idi. Hamımız yaxşı oynadıq və sona qədər döyüşdük. Əlimizə düşən fürsəti dəyərləndirdik və qol vurduq. Rumıniyaya qrupda uduzmuşduq. Bilirdik ki, turnirin ən güclü komandalarından biridi. Qalib gəldik və buna görə sevinirəm. Çempionata gedəndə inanırdıq ki, yaxşı nəticə qazanacağıq. Amma çempion olmaq... Bunu artıq qələbələr qazandıqca düşünməyə başladıq. İnam yarandı ki, bunu edə bilərik. Əhval-ruhiyyətimiz yüksəlirdi… Mini-futbol futzaldan daha asandı. Çünki futzalda 4 oyunçu və 1 qapıçı ilə meydana çıxırsan. Mini-futbolda isə 5 futbolçu var meydanda. Başqa məsələ odu ki, burda topu istədiyin qədər qapıçıya verə bilərsən, amma futzalda bunu edə bilmirsən. Belə amillər daha çox oynayana kömək edir. Qapıçı da ayaqla yaxşı oynayırsa, deməli, üstünlük var. Həm də futzal daha dinamik oyundu. Turnirdə futzaldan tanıdığım oyunçular var idi. İtaliya millisindən Fabianonu yaxşı tanıyıram. O, 2011-ci ildə mənimlə birlikdə “Araz-Naxçıvan”da oynayırdı. Serbiya, Ukrayna və Moldova millisində tanıdıqlarım meydana çıxırdılar. Hiss olunurdu ki, futzaldan gəliblər. Çünki topu özləriylə daşımaqlarından bunu sezmək olurdu… Düşünürdük ki, hakimlər ev sahibi Slovakiyaya müəyyən qədər kömək edəcək, bizi sıxacaq. Belə də oldu. Açığı, düşünmürdüm ki, hakim penalti nöqtəsini göstərər. Aşkar cərimə olsa da, buna inanmırdım. Penaltini verdi, amma sonra bunun əvəzini çıxaraq haqsız yerə Vüsal İsayevə qırmızı vərəqə göstərdi, bizi azlıqda qoydu. Orda da elədi ki, 5 dəqiqə meydanda azlıqda qalırsan. Futzalda isə bu 2 dəqiqədi. Amma uşaqlar mübarizə apardı”.
İLKİN SULTANLI
Digər xəbərlər
