“Belarus Qazaxıstandan daha kompakt komandadı“ - Bəhlul Mustafazadə
UEFA Millətlər Liqasının qrup mərhələsinin 2-ci turunda Belarusla oyun öncəsi keçirilən mətbuat konfrasında millimizin baş məşqçisi Canni de Byazi ilə yanaşı futbolçu Bəhlul Mustafazadə də çıxış edib.
“Football-plus.az” saytının məlumatına görə, oyunçu ilk olaraq Qazaxıstanla matç haqda fikirlərini bildirib.
“Qazaxıstanla oyuna çox yaxşı başladıq, kifayət qədər qol imkanları yaratdıq, müdafiədə də etibarlı çıxış etdik. Sadəcə, hücumda qol imkanlarını reallaşdıra bilmədik. Qazaxıstanla oyunda qol imkanlarını qaçırdıqca bizim də üzərimizə təzyiqlər artdı və səhvlərdən qollar buraxdıq".
Mustafazadə Belarus və Qazaxıstan millilərinin eyni sxemdə oynadıqlarını bildirib:
"Belarusu təhlil etmişik. Onlar da Qazaxıstan millisi kimi, 5 müdafiəçi ilə oynayır. Ancaq Belarus Qazaxıstandan daha kompakt komandadı. Onlara qarşı kreativ olmalıyıq. Buna görə də kreativliyimizi artırmalı və ələ düşən imkanlardan yararlanmalıyıq. Əlimizdən gələni edəcəyik ki, Belarus üzərində qələbə qazanaraq həm özümüzü, həm də Azərbycan xalqını sevindirək".
Digər xəbərlər
