"Şamaxı"da daha bir futbolçunun taleyinə aydınlıq gəlib.

"Football-plus.az" xəbər verir ki, bölgə təmsilçisi baş məşqçi Rüstəm Əliyevdən sonra qapıçı Stanislav Namaşkonu da komandada saxlayıb.

Bu barədə klubun İdarə Heyəti qərar qəbul edib. Tərəflər arasında anlaşmaya əsasən, Moldova millisinin qolkiperinin başa çatan müqaviləsi daha bir il uzadılıb.

Qeyd edək ki, yay fasiləsində İlkin Qırtımovla vidalaşan “Şamaxı” gənc müdafiəçi Rüstəm Daşdəmirovla yeni müqavilə bağlayıb.