Veteranlar AFFA-ya məktub hazırlayıb - ÖZƏL AÇIQLAMA
"Kəpəz"in 2022/23 mövsümündə premyer-liqada iştirak edəcəyi təsdiqlənib.
"Football-plus.az" xəbər verir ki, buna baxmayaraq, istər azarkeşlər, istərsə də klubun veteranları komandanın çıxışından razı deyil. "Kəpəz"in veteranları bu səbdən bir araya gəliblər. Firuz Qulami görüşün detalları haqda "Football-plus.az" saytına bunları söylədi:"Kəpəz"in veteranları bu gün Gəncədə iclas keçirdik. Protokol tərtib etmişik. "Kəpəz"in durumunu müzakirə etdik. İclasda sədr Tofiq Məmmədov, muavini Əli Rəhimov, mən və bir çox veteranlar iştirak etdi. 20 nəfər var idi. Qatılmayanlar da oldu. Amma onlar da öz fikirlərini bizə bildirib. Hamı AFFA-ya məktub ünvanlayacağıq. "Kəpəz"i bu vəziyyətə salanlar İlqar Nadiri və Yaşar Vahabzadədi. Düzgün işləmirlər, biz də istefalarını istəyirik. İclasda başqa qərar da qəbul olundu. Yaxın günlərdə "Kəpəz" azarkeşləri dəvət olunacaq. Onlarla da görüşüb, fikirlərini öyrənəcəyik".
GÜNAY VƏLİYEVA
