İtaliya çempionatında 30-cu turun mərkəzi oyunu Romada keçirilib.

Paytaxt derbisində “Roma” “Latsio”nu 3:0 hesabı ilə məğlub edib. Hesab ilk dəqiqədə açılıb. Temmi Abraham 56-cı saniyədə qapıya yol tapıb. “Roma”nın ingilis hücumçusu bununla da A seriyası çərçivəsində paytaxt derbilərində ən erkən qolun müəllifi olub.

Əlavə edək ki, “Latsio”nun qapısına iki dəfə yol tapan Abraham “Roma”dakı debüt mövsümündə artıq 23 qol vurub. Bu planda Qabriel Batistuta ilə Vinçentso Montellanı (hər ikisi 21 qol vurub) arxada qoyan 24 yaşlı futbolçu indi yalnız “canavarlar”ın rekordçusu Rodolfo Volkdan (24) geri qalır.