Millətlər Liqasında Azərbaycanla eyni qrupda yer alan Qazaxıstan yığması daha bir itki ilə üzləşib.

"Football-plus.az" xəbər verir ki, Azat Nurqaliyev sıradan zədələnib. Yarımmüdafiəçi uzun müddət yaşıl meydanlardan uzaq qalacaq. Dizindən zədə alan "Turan"ın kapitanın hətta mövsümü başa vurmaq riski də var.

Bu səbəbdən də Nurqaliyev Millətlər Liqasının ilk oyunlarında iştirak etməyəcək.

Xatırladaq ki, Qazaxıstan yığması C Liqasının 3-cü qrupundakı ilk oyununu iyunun 3-də məhz Azərbaycan millisinə qarşı keçirəcək. Həmin matç “Astana Arena”da baş tutacaq.

Qeyd edək ki, Qazaxıstan yığmasının müdafiəçisi Nurlan Dairov da zədə ucbatından millimizlə oyunu buraxacaq.