Yarmolenko Premyer Liqa klubunu tərk edir

Ukrayna millisinin futbolçusu Andrey Yarmolenko “Vest Hem”i tərk edəcək.

"Football-plus.az" xəbər verir ki, Premyer Liqa klubunun hücumçusu mövsümün sonunda özünü yeni komanda axtarışına çıxacaq.

İngiltərə klubu ilə forvard yeni müqavilə imzalamamağa qərar verib. Onun hazırkı anlaşması isə 2022-ci ilin yayında başa çatacaq.

Qeyd edək ki, Yarmolenko “Vest Hem”ə 2018-ci ilin yayında Dortmund “Borussiya”sından keçib. Onun transferi üçün 20 milyon avro ödənilib.