PSJ rəhbərliyi Kilian Mbappeni komandada saxlamaq üçün daha bir cəhdə əl atıb.

Klubun prezidenti Nasser Əl-Xelayfi Qətərin paytaxtı Dohada onun ailəsi ilə görüşüb. Bu barədə jurnalist Adrien Qrenye “tvitter” hesabında məlumat yayıb. Onun iddiasına görə, PSJ-nin rəhbəri 23 yaşlı futbolçunun ailəsi ilə müqavilənin mümkün yenilənməsini müzakirə edib. Kilianın ailəsinin Qətərdə tətildə olacağı çoxdan planlaşdırılıb.

Bir müddət əvvəl yayılan xəbərdə Mbappenin PSJ-də komandanın Çempionlar Liqasında uğur qazanmasına şərait yarada biləcək dəyişikliklər fonunda yeni müqaviləyə razılıq verə biləcəyi qeyd edilmişdi. Bu mövsüm bütün turnirlərdə meydana çıxdığı 41 oyunda 33 qol vurub 18 məhsuldar ötürmə edən dünya çempionunun klubla müqaviləsi yayda qüvvədən düşəcək. Kilianın ailəsi gələn həftə “Real”ın təmsilçiləri ilə də görüşəcək. Futbolçu seçimini hər iki klubun irəli sürdüyü təklifləri nəzərə alaraq edəcək.