“Yuventus” A seriyasının son turunda öz meydanında “Bolonya”ya məğlubiyyətdən son anda qurtulub.

İtaliya nəhəngi yalnız rəqib 9 nəfərlə qalandan sonra cavab qolunu vura bilib – 1:1. Hakim Luka Sakki 84-cü dəqiqədə əvvəlcə Alvaro Morataya qarşı kobudluğa görə Adama Sumaoronu, bir neçə saniyə sonra isə onun üstünə şığıyaraq kəskin etiraz edən Qari Medeli meydandan qovub. Son saniyələrdə qonaqları qələbədən edən Duşan Vlahoviç “Yuventus”un tarixinə düşüb. Serbiyalı hücumçu A seriyasındakı qollarının sayını 50-yə çatdırıb. 22 yaşlı Duşan çempionatda bu qol sayına ən erkən çatan ikinci legionerdi. 50 qola 22 yaş 78 günlüyündə nail olan Vlahoviç bu göstəricidə mütləq rekordçu, “Milan”ın sabiq hücumçusu Aleşandre Patodan geri qalır. Braziliyalı A seriyasında 50-ci qolunu 2011-ci ildə 21 yaş 220 günlüyündə vurub.